Gúlshara Ábdiqalyqova qostanaılyq kópbalaly otbasylarǵa kirip shyqty
Jumys tobynyń quramyna eńbek jáne halyqty áleýmettik qorǵaý mınıstri B.Saparbaev, Bilim jáne ǵylym mınıstri K. Shámshidınova, Densaýlyq saqtaý mınıstri E. Birtanov, Qurylys jáne turǵyn-kommýnaldyq sharýashylyǵy isteri boıynsha Komıtet tóraǵasy M.Jaıymbetov, «Nur Otan» partııasynyń hatshysy F. Qýanǵanov kirdi.
Gúlshara Naýshaqyzy Qostanaı oblysynyń Zatobol poselkinde halyqpen kezdesýinde áleýmettik qoldaý boıynsha sharalar halyqtyń áleýmettik áljýaz toptarynyń tabysyn arttyrý men qoldaýǵa, turǵyn-úı máseleleriń sheshýge, bilim berý jáne densaýlyq saqtaý salalaryn jaqsartýǵa baǵyttalǵanyn basa aıtty.
Oblysta «Baqytty otbasy» jobasy sátti iske asyrylýda. 2 myńnan astam otbasyǵa materıaldyq kómek kórsetildi, sonymen qatar óńir jebeýshilerimen 14 kópbalaly otbasylarǵa úı men páterler satyp alyndy. G.N. Ábdiqalyqova 8 balany tárbıelep otyrǵan Shákirovter januıasymen kezdesti. Olarǵa berilgen joba sheńberinde «BK-Stroı» JShS qaıyrymdyq jasaýshylarmen páter syılyqqa berildi.
G. Ádiqalyqova osy aýdandaǵy Zatobol poselkesi men Mıchýrın aýylynda turatyn kópbalaly otbasylarǵa kirip shyqty. Qorytyndy boıynsha ol oblys basshylyǵyna olardyń máselelerin sheshý boıynsha birqatar tapsyrma berdi. Mektep jasyndaǵy 6 balasy bar Mıhaılovtar otbasyna shatyrdy jóndeý jáne terezelerdi aýystyrýǵa kómek jasalady.
Budan basqa, vıtse-premer Jumyspen qamtý ortalyǵy men Halyqqa qyzmet kórsetý ortalyǵynyń jumysyn tekserdi. 2018 jyly HQKO qyzmetkerlerimen múmkindigi shekteýli azamattarǵa 2 899 memlekettik qyzmet kórsetildi.
Jumys sońynda Qostanaı oblysynyń Ónimdi jumyspen qamtý jáne jappaı kásipkerlikti damytý «Eńbek» memlekettik baǵdarlamasyn iske asyrý barysy qarastyryldy. Jalpy, aýdanda jumyspen qamtý sharalarymen 100 myńnan astam adam qamtyldy, 1135 adamǵa jáne 185 otbasyǵa jumys qoly jetispeıtin aýdandarǵa erikti kóship kelýge kómek kórsetildi.
2018 jyly tehnıkalyq jáne kásibı bilimi bar kadrlardy daıyndaýǵa 950 myń adam baǵyttaldy, 1653 adam qysqa merzimdi oqytýdy ótti, onyń ishinde 1454 adam jumysqa ornalastyryldy. Óz isin ashyp jáne keńeıtýge 1021 mıkrokredıt, onyń ishinde 933-i aýyldyq jerde berildi. Kásipkerliktiń negizderi «Bastaý-Bıznes» jobasy boıynsha 2311 adam oqytyldy, onyń ishinde 1474 adam bıznes-jobalaryn qorǵady, 660 adam mıkrokredıtter aldy. 2018 jyldan bastap memlekettik granttar usynylady. Bastapqy bıznesti bastaý úshin 118 astam grant beriledi.
Otyrystyń qorytyndysy boıynsha aýdandaǵy Memlekettik baǵdarlamalardy iske asyrýdyń ózekti máselelerin sheshýge baǵyttalǵan naqty sharalar qatary ázirlendi.
Qostanaı oblysyndaǵy jumys sapary jalǵasýda.