Gúlshara Ábdiqalyqova birqatar qazaqstandyqtarǵa memlekettik nagradalardy tapsyrdy
«Aıtýly kún qarsańyndaǵy jyldaǵy ıgi dástúr boıynsha Elbasy memleketimizdiń ósip, órkendeýi jolynda eren eńbegimen kózge túsken Qazaqstan azamattaryn marapattaıtynyn jaqsy bilesizder. Bıylǵy jyly 1 700-den astam adam joǵary nagradaǵa ıe bolyp otyr. Muny Táýelsizdik tuǵyryn nyǵaıtýǵa, halqymyzdyń ıgiligin eseleýge úles qosqan azamattar eńbeginiń joǵary baǵalanýy dep bilemiz. Táýelsizdikke qol jetkizgen Qazaqstan jasampaz jańa tarıhynda el Prezıdentiniń dana basshylyǵy jáne halqymyzdyń eńseli eńbeginiń arqasynda naryqtyń ekonomıkasy, demokratııalyq saıası júıesi, damyǵan azamattyq qoǵamy bar álemge tanymal zamanaýı memleketke aınaldy», - dep atap ótti Memlekettik hatshy.
Atap aıtqanda, ІІІ dárejeli «Barys» ordeni Qazaqstan - Amerıkandyq erkin ýnıversıtetiniń (KAEÝ) prezıdenti Erejep Mambetqazıevke, Qazaqstan Jazýshylar odaǵynyń basqarma tóraǵasy Nurlan Orazalınge tapsyryldy.
«Parasat» ordenin Astana ákiminiń orynbasary Ermek Amanshaev, Prezıdent Ákimshiliginiń memlekettik ınspektory Jaısań Ahmetov, Ǵ. Músirepov atyndaǵy qazaq memlekettik akademııalyq balalar men jasóspirimder teatrynyń aktrısasy Roza Áshirbekova, Prezıdent Ákimshiliginiń memlekettik ınspektory Qaldybek Baıymbetov, Sh. Aımanov atyndaǵy «Qazaqfılm» AQ kınorejısseri Bolat Qalymbetov, Qazaqstan halqy Assambleıasy Tóraǵasynyń orynbasary Darhan Myńbaı aldy.
Sonymen qatar «Qurmet» ordenimen Qyzylorda oblysy ákiminiń keńesshisi Erjan Abdrahmanov, Prezıdent Hattamasynyń bastyǵy Mádı Atamqulov nagradtaldy.
ІІІ dárejeli «Eńbek Dańqy» ordeni Jańaózen qalasyndaǵy «Ózenmunaıgaz» AQ-nyń aǵa sheberi Qorabaı Jańabaevqa, SQO Shal aqyn aýdanyndaǵy «Agrosever» JShS mehanızatory Vladımır Shýltske tapsyryldy.
Budan bólek, «Qazaqstannyń eńbek sińirgen qaıratkeri» qurmetti ataǵymen Ulttyq ulannyń 5573 áskerı bólimi án jáne bı ansabliniń mýzykanty Marjan Arapbaeva, «EKSPO- 2017» halyqaralyq mamandandyrylǵan kórmesiniń komıssary Rápil Joshybaev, ánshi Jubanysh Toqsanbaev marapattaldy.
Sonymen qatar Memlekettik hatshy ál-Farabı atyndaǵy ǵylym men tehnıka salasyndaǵy 2017 jylǵy memlekettik syılyǵy Qazaqstan Respýblıkasynyń Investıtsııalar jáne damý mınıstrligi Indýstrııalyq damý jáne ónerkásiptik qaýipsizdik komıtetiniń «Qazaqstan Respýblıkasynyń Mıneraldyq shıkizatty keshendi uqsatý jónindegi ulttyq ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «J. Ábishev atyndaǵy hımııa-metallýrgııa ınstıtýty» fılıalynyń kenderdi baıytý zerthanasynyń meńgerýshisi, tehnıka ǵylymdarynyń kandıdaty, qaýymdastyrylǵan professor - Aıdarhan Ahýanuly Muhtarǵa; Qazaqstan Respýblıkasy Parlamenti Májilisiniń depýtaty, Qazaqstan ulttyq jaratylystaný ǵylymdary akademııasynyń akademıgi, ekonomıka ǵylymdarynyń doktory - Albert Pavlovıch Raýǵa; Qazaqstan Respýblıkasynyń Investıtsııalar jáne damý mınıstrligi Indýstrııalyq damý jáne ónerkásiptik qaýipsizdik komıtetiniń «Qazaqstan Respýblıkasynyń Mıneraldyq shıkizatty keshendi uqsatý jónindegi ulttyq ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń Astana fılıalynyń dırektory, tehnıka ǵylymdarynyń doktory - Baımahan Nurlybaıuly Sátbaevqa; «Qazaqstan Respýblıkasy Prezıdentiniń Іs basqarmasy Medıtsınalyq ortalyǵynyń aýrýhanasy» sharýashylyq júrgizý quqyǵyndaǵy respýblıkalyq memlekettik kásipornynyń dırektory, medıtsına ǵylymdarynyń doktory - Ámir Amantaıuly Áhetovke; «Qazaqstan Respýblıkasy Prezıdentiniń Іs basqarmasy Medıtsınalyq ortalyǵynyń aýrýhanasy» sharýashylyq júrgizý quqyǵyndaǵy respýblıkalyq memlekettik kásipornynyń jetekshi konsýltanty, medıtsına ǵylymdarynyń doktory - Almagúl Rahymberliqyzy Qushuǵulovaǵa; «Qazaqstan Respýblıkasy Prezıdentiniń Іs basqarmasy Medıtsınalyq ortalyǵynyń aýrýhanasy» sharýashylyq júrgizý quqyǵyndaǵy respýblıkalyq memlekettik kásipornynyń jetekshi konsýltanty, medıtsına ǵylymdarynyń doktory, professor - Talǵat Seıitjanuly Nurǵojınge; «Qazaqstan Respýblıkasy Prezıdentiniń Іs basqarmasy Medıtsınalyq ortalyǵynyń aýrýhanasy» sharýashylyq júrgizý quqyǵyndaǵy respýblıkalyq memlekettik kásipornynyń keńesshisi, bas mamany, medıtsına ǵylymdarynyń doktory, professor - Ertaı Qojahmetuly Sársebekovke; «Ortalyq klınıkalyq aýrýhana» aktsıonerlik qoǵamynyń bas dárigeriniń orynbasary, medıtsına ǵylymdarynyń doktory, professor - Gúlnur Zeınelqyzy Tanbaevaǵa tabystady.