Gúlshara Ábdiqalyqova aımaqtaǵy máslıhat depýtattarymen jańa formatta júzdesti
Aımaq basshysy depýtattarmen erkin formatta pikirlesti. Depýtattar óńirdiń áleýmettik-ekonomıkalyq damýyna qajetti usynystar men naqty máselelerdi ortaǵa saldy.
«Úkimettiń keńeıtilgen otyrysynda Prezıdent Qasym-Jomart Toqaev aımaqtyń damýy men qýańshylyq kezinde qabyldaıtyn sharalardyń baǵytyn aıqyndap berdi. Qıyn kezeńnen máseleni birlesip sheshý arqyly shyǵamyz. Sizder bul turǵyda halyqtyń qajettiligin bılikke der kezinde jetkizetin tulǵa retinde mańyzdy ról atqarasyzdar. Sol sebepti de aımaq damýyna qajetti usynystaryńyzdy tyńdaý úshin osyndaı formatta kezdesýdi jón sanadym. Birneshe kúnnen beri oblystyq, qalalyq, aýdandyq máslıhattyń quramymen jeke kezdestim. Tamyz aıynan bastap ár depýtatpen kestege sáıkes jańa formatta júzdesetin bolamyn», - dedi G. Ábdiqalyqova.
Depýttatar júzdesý barysynda birqatar mańyzdy máselelerdi kóterdi. Atap aıtsaq, ekonomıka baǵyty boıynsha azyq-túlik baǵasyn turaqtandyrý, áleýmettik dúkenderdiń sanyn kóbeıtý, eldi mekenderdi aýyz sý, gazben qamtamasyz etý jaıynda oı qozǵady. Sondaı-aq, turǵyndarǵa onyń ishinde ózin-ózi jumyspen qamtyǵan azamattarǵa qoldaý kórsetý suraqtary kóterilse, kásipkerlik baǵyty boıynsha bıznes ıelerine qoldaý maqsatynda kommýnaldyq máselelerdi sheshýge kómek kórsetý sóz boldy. Memlekettik baǵdarlama arqyly kásip ashamyn degen azamattarǵa túsindirme jumystaryn kúsheıtý qajet ekeni aıtyldy.
Depýtattar tarapynan aýyldardy damytý, tirek aýyldardy kóbeıtý, mal sharýashylyǵymen aınalysatyn azamattardy keshendi túrde qoldaý jáne aýyldyq jerlerge ınfraqurylymdy jetkizý máselesi de nazardan tys qalǵan joq.
Al, áleýmettik sala boıynsha múgedektigi bar azamattardyń quqyqtary men baǵdarlamalarǵa qatysýy, bala kútimine baılanysty járdemaqy tóleý máselesin kúsheıtý, kópbalaly analardy kásipkerlikke tartý, qıyn jaǵdaıda qalǵan otbasyndaǵy áıelderdi qoǵamdyq ortaǵa beıimdeý jáne pıshologııalyq kómek uıymdastyrý máselesi talqylandy.
Kezdesý barysynda bilim berý uıymdarynda qurylys jumystarynyń ýaqytyly bitýi, dástúrli oqýǵa kóshýge qajetti jaǵdaılardy jasaý, balabaqshalar salý, mektepterdi kúrdeli jóndeýden ótkizý, ınklıýzıvti bilim berý máseleleri boıynsha qajet dep tanylǵan usynystar ortaǵa salyndy.
Depýtattarmen ashyq pikirlesken aımaq basshysy Gúlshara Ábdiqalyqova eldegi máselelerdiń sheshilýine olardyń róli aıryqsha ekenine nazar aýdaryp, birlesip jumys atqarý arqyly nátıje bolatynyn qaperge saldy. Sondaı-aq, halyq atynan túsken máselelerdi saralap, sheshilý tetigin kezeń-kezeńimen iske asyrylatynyn tilge tıek etti.
Eske salsaq, Qyzylorda oblysynda jol jelisin damytý jaqsara tústi.