Gúlshara Ábdiqalyqova ákimderden 5 myń grant berý jónindegi jumysty aıaqtaýdy surady

NUR-SULTAN. QazAqparat – Úkimet basshysynyń orynbasary Gúlshara Ábdiqalyqova jańa oqý jylynyń jaqyndaýyna oraı birneshe máselege nazar aýdarý kerektigin málim etti, dep habarlaıdy QazAqparat tilshisi.

«Jańa oqý jylynyńbastalýyna birneshe apta qaldy. Soǵan baılanysty Bilim jáne ǵylym mınıstri menóńir basshylarynyń nazaryn birneshe máselege aýdarǵym keledi. Birinshiden, sońǵyjyldary birinshi synypqa keletin oqýshylardyń sany kóbeıýde. Soǵan baılanystyoqýshy oryndarynyń jetispeýshiligi ulǵaıyp keledi. Sondyqtan, oqytýdyń qaýipsizjaǵdaıyn jasaý úshin ákimder mektep dırektorlarymen, ata-analarmen birlesip,balalaryn beıimdelý, sabaq rejiminiń sanıtarlyq-epıdemıologııalyq normalarǵasáıkestigi máselelerine erekshe nazar aýdarǵan jón», - dedi Gúlshara ÁbdiqalyqovaÚkimet otyrysynda.

Premer-mınıstrdińorynbasary ekinshiden, alys aýyldardan oqýshylardy tasymaldaý máselesi baryn atapótti.

«Osyǵan baılanysty184 kólik jetispeýde. Bul másele nazardan tys qalmaýy tıis. ÁkimdikterdeMemleket basshysynyń tapsyrmasy boıynsha kópbalaly otbasylardan shyqqantalapkerler úshin bólingen qosymsha 5 myń grant berý jónindegi jumysty aıaqtaýdysuraımyn», - dedi ol.

Eske sala ketsek,búgingi Úkimet otyrysynda Premer-mınıstr Asqar Mamın óńir ákimderine barlyqbilim berý uıymdary jumysty bastaýǵa 100 paıyz daıyn bolýy kerektigin tapsyrǵanbolatyn.