Gúlsaıa Erjan fınalǵa berilgen ekinshi joldamaǵa ıe boldy – bokstan Azııa chempıonaty

ASTANA. QazAqparat – Taıland astanasy Bangkok qalasynda ótip jatqan bokstan 22 jasqa deıingi jastar arasyndaǵy Azııa chempıonatynda qazaqstandyq Gúlsaıa Erjan fınalǵa shyqty, dep habarlaıdy QazAqparat tilshisi.

Gúlsaıa Erjan jartylaı fınalda nepaldyq Trısha Djebegýmen jekpe-jekke shyqty. Jekpe-jekte qazaqstandyq boksshynyń basymdyǵy baıqalyp turdy. Nátıjesinde tóreshiler sheshimimen ol fınalǵa joldama aldy.

Jartylaı fınalǵa barlyǵy toǵyz qazaqstandyq boksshy shyqqan edi.

Olardyń arasynan buǵan deıin Jasmın Qızatova (70 keli) vetnamdyq Trýong Mın Thý Kıýnhty jeńip, fınalǵa joldama aldy.

Al, búgin jartylaı fınalda Móldir Toıkova (50 keli), Ánel Saqysh (54 keli), Vıktorııa Grafeeva (57 keli), Shahnaz Isaeva (60 keli), Nazerke Serik (63 keli), Aqnar Işanova (66 keli), Dana Dıdaı (75 keli) qarsylastaryna ese jiberip qoıdy. Nátıjesinde qurlyqtyq dodada qola júldeger atandy.

Eske salsaq, budan buryn Azııa chempıonatynda qazaqstandyq boksshylar shırek fınal oıyndaryn ótkizdi.