Gúlnaz Sısenova Aqtóbe oblystyq áleýmettik baǵdarlamalar basqarmasyna basshy boldy

<p>Aqtóbe qalasy ákiminiń orynbasary bolǵan Gúlnaz Sısenova endi oblystyq jumyspen qamtýdy úılestirý jáne áleýmettik baǵdarlamalar basqarmasyna basshylyq etedi, dep habarlaıdy Kazinform.</p>

Búgin Aqtóbe oblysy ákiminiń ókimimen oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy laýazymyna Gúlnaz Saǵynqyzy Sısenova taǵaıyndaldy.

Aıta keteıik, Gúlnaz Sısenova 1981 jyly Aqtóbe oblysynyń Qobda aýdanynda dúnıege kelgen. 2000 jyly Aqtóbe qarjy-ekonomıka kolledjin, 2003 jyly Q.Jubanov atyndaǵy Aqtóbe memlekettik ýnıversıtetin támamdaǵan.

- Eńbek jolyn 2001 jyly Alǵa aýdany boıynsha salyq komıtetiniń salyq ınspektory bolyp bastaǵan. 2003 – 2016 jyldary Aqtóbe oblystyq qarjy basqarmasynyń jetekshi mamanynan bastap, basqarma basshysynyń orynbasary, keıin basqarma basshysyna deıin kóterilgen. 2016 – 2019 jyldary Alǵa aýdany ákiminiń orynbasary, Aqtóbe oblysynyń memlekettik satyp alýlar basqarmasynyń basshysy bolyp qyzmet etken. 2019 jyldyń shilde aıynan bastap Aqtóbe qalasy ákiminiń orynbasary qyzmetin atqaryp keldi, - dep habarlady Aqtóbe oblysy ákiminiń baspasóz qyzmeti.