Gúlnara Karımovanyń isi: Shveıtsarııa banki aıyptalýda

<p>ASTANA. KAZINFORM &ndash; Shveıtsarııa prokýrorlary jeke Lombard Odier banki men onyń burynǵy qyzmetkerin qylmystyq jolmen alynǵan kiristerdi jylystatty dep aıyptady. Olar Ózbekstannyń eks-prezıdenti Islam Karımovtyń qyzy Gúlnara Karımovanyń qylmystyq áreketterin jasyrýǵa kómektesýde &laquo;sheshýshi ról&raquo; atqarǵanyn atap ótti, dep jazdy <a href="https://www.gazeta.uz/uz/2024/11/29/lombard-odier/" target="_blank" rel="noopener">Gazeta.uz</a> saıty Financial Times-ke silteme jasap.</p>

Bul aıypty Shveıtsarııanyń federaldy prokýrory alǵa tartty. Juma kúni jarııalanǵan aıyptaý qorytyndysynda prokýrorlar eldegi eń tanymal qarjy ınstıtýttarynyń biri Lombard Odier-diń Gúlnara Karımovanyń jyldar boıy qylmystyq áreketterin jasyrýǵa kómektesýde mańyzdy ról atqarǵanyn aıtty. Biraq Lombard Odier bul aıyptaýlardy joqqa shyǵardy.
Burynǵy bank qyzmetkeri 2008-2012 jyldar aralyǵynda Lombard Odier-diń «jeke klıentter» bóliminde jumys istegen jáne toǵyz banktik shot ashqan nemese ashýdy uıymdastyrǵan degen kúdikke ilingen.

Shveıtsarııa prokýrorlarynyń málimetinshe, Karımova men taǵy bir adam 2005-2012 jyldar aralyǵynda Shveıtsarııadaǵy The Office dep atalatyn qylmystyq uıymǵa qatysty degen kúdikke ilingen.

— Aıyptaý qorytyndysyna sáıkes, tergeýler Shveıtsarııada jylystatylǵan aqshanyń bir bóligi Jenevadaǵy Banque Lombard Odier & Cie SA banktik baılanystary arqyly aýdarylǵan degen kúdikti rastady, - dep jazdy SWI swissinfo.

Aıta keteıik, buǵan deıin Shveıtsarııa Gúlnara Karımovanyń 370 mln dollar aktıvin tárkilegenin jazǵan edik.

Al, Ulybrıtanııa bıligi Gúlnara Karımovanyń múlikterin tárkiledi.