Gúlnár Qulqaeva Ulttyq ǵylymı densaýlyq saqtaýdy damytý ortalyǵynyń basshysy qyzmetine taǵaıyndaldy

ASTANA. QazAqparat - «Salıdat Qaıyrbekova atyndaǵy Ulttyq ǵylymı densaýlyq saqtaýdy damytý ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń basqarma tóraǵasy bolyp Gúlnara Ótepergenqyzy Qulqaeva taǵaıyndaldy.

Bul týraly QazAqparat QR Densaýlyq saqtaý mınıstrliginiń baspasóz qyzmetine silteme jasap habarlaıdy.

Gúlnara Qulqaeva 1969 jyly týǵan. 1994 jyly Astrahan memlekettik medıtsına akademııasyn «Emdeý isi» mamandyǵy boıynsha dáriger biliktiligimen, 2009 jyly Nagoı ýnıversıtetinde (Japonııa) magıstratýrany (Graduate Medical School of Nagoya University) «Densaýlyq saqtaýdy basqarý» mamandyǵy boıynsha bitirgen.

2010 jyly - Astana qalasyndaǵy Gýmılev atyndaǵy Eýrazııa gýmanıtarlyq ınstıtýtyn «Quqyqtaný» mamandyǵy boıynsha, 2015 j. - Almaty Management University (Halyqaralyq bıznes akademııasy) «Іskerlik ákimshilendirý, iskerlik ákimshilendirý magıstri» mamandyǵy boıynsha bitirgen. Medıtsına ǵylymdarynyń kandıdaty.