Gúlmıra Satybaldy úı qamaqqa jiberilmeıdi – sot sheshimi

ASTANA. QazAqparat – Gúlmıra Satybaldyǵa qatysty is boıynsha aldyn-ala tyńdaý Astana qalasy Baıqońyr aýdanynyń №2 sotynda ótti. Onyń barysynda advokattar aıyptalýshyny úı qamaqqa aýystyrýdy surady, dep habarlaıdy QazAqparat tilshisi.

«Qorǵaýshylardyń Satybaldy men Batyrshaevqa qatysty qylmystyq isti toqtatý, isti Qylmystyq-protsestik kodektiń 320-babyna sáıkes prokýrorǵa qaıtarý jáne bultartpaý sharasyn ózgertý týraly ótinishteri qanaǵattandyrylmaıdy. Buǵan deıin qabyldanǵan sheshim ózgerissiz qalady», - dedi Baıqońyr aýdandyq №2 sotynyń sýdıasy Kemeńger Imashev.

Sondaı-aq, sýdıa Gúlmıra Satybaldyǵa qatysty qylmystyq isti sotta qaraý 14 naýryzda bolatynyn málim etti.

Eske salaıyq, búgin atalǵan isti aldyn-ala sotta tyńdaý kezinde prokýror Almıra Qojahmetova aıyptalýshy Gúlmıra Satybaldy sotqa deıingi tergeý kezinde shekara asyp ketpek bolǵanyn aıtty.