Gúlmıra Satybaldy isi: Sotta zardap shegýshi Tursyn Alagózov jaýap berdi

ASTANA. QazAqparat — Elordanyń Baıqońyr aýdandyq №2 sotynda Gúlmıra Satybaldy isi boıynsha negizgi sot talqylaýy júrip jatyr, dep habarlaıdy QazAqparat tilshisi.

«Osy is boıynsha Gúlmıra Satybaldyǵa QR Qylmystyq kodeksiniń 28-baby 3-tarmaǵynda(qylmystyq quqyq buzýshylyq), 389-baby 3-tarmaǵynda (adamdar tobynyń aldyn ala sóz baılasýymen adamnyń ómiri men densaýlyǵyna qaýipti kúsh qoldaný arqyly jasalǵan quqyq buzýshylyq), 125-baby 2-tarmaǵy 1-8-tarmaqshasynda (adamdar tobynyń aldyn ala sóz baılasyp adam urlaýy) kózdelgen qylmystyq quqyq buzýshylyq jasady dep aıyptalady», - dedi prokýror Azamat Sársembaev.

Sonymen qatar prokýror Mádı Batyrshaevtyń Qylmystyq kodekstiń 389-baby 3-tarmaǵy, 125-baby 2-tarmaǵy 1,8-tarmaqshasy, al Rashıd Ótebekovtiń 125-baptyń 2-tarmaǵy 1-tarmaqshasy (adam urlaý, adamdar tobynyń aldyn ala sóz baılasýymen) boıynsha aıyptalyp otyrǵanyn aıtty.

Sot talqylaýy tústen keıin de jalǵasyp jatyr. Zardap shegýshilerden jaýap alý bastaldy. Birinshi bolyp Tursyn Alagózov jaýap beredi.

Eske salsaq, Antıkor Gúlmıra Satybaldy adam urlaý faktisi boıynsha tergelip jatqany týraly habarlady.

Ótken jyly 18 naýryzda elorda soty Gúlmıra Satybaldyny 2 aı merzimge qamaýǵa alýǵa sanktsııa bergen edi.

Gúlmıra Satybaldy Qaırat Satybaldynyń burynǵy áıeli.