Gúlmıra Satybaldynyń densaýlyǵy nasharlaýyna baılanysty sot otyrysy keıinge qaldy

<p>ALMATY. KAZINFORM &ndash; Almatyda Gúlmıra Satybaldy men onyń kómekshisi Mádı Batyrshaevtyń isi boıynsha sot talqylaýy keıinge qaldy.</p>

Sottalýshylar men olardyń advokattary kezekti sot protsesine onlaın formatta qosyldy. Gúlmıra Satybaldy sýdıadan densaýlyǵyna baılanysty sot otyrysyn keıinge qaldyrýdy surady

«Biz sot otyrysyna onlaın qosylǵanan keıin qorǵaýmyzdaǵy adamnyń allergııasy ustap qalǵanyn bildik. Oǵan antıgıstamındik preparattar engizildi. Qazir onyń búıregi qatty aýyryp tur. Qazir oǵan dáriger taba almaı jatyr, óıtkeni ol eńbek demalysynda eken. Sondyqtan Gúlmıra Satybaldy sot otyrysyn keıinge qaldyrýdy suraıdy. Biz protsesti sozǵymyz kelmeıdi, alaıda ol shynymen qatty aýyryp qaldy», - dedi sottalýshynyń advokaty Ásemgúl Danıalova.

Sýdıa Martpek Kákimjanov sottalýshynyń densaýlyǵyna baılanysty sot otyrysyn keıinge qaldyrýǵa májbúr bolǵanyn aıtty.

Osylaısha, sot otyrysy 27 tamyzǵa shegerildi.

Buǵan deıin prokýror sottaǵy jaryssóz kezinde Gúlmıra Satybaldyny 13 jylǵa bas bostandyǵynyn aıyrýdy suraǵan edi.