Gúlmıra Satybaldynyń advokaty sýdıany aýystyrýdy talap etti

<p>ALMATY. KAZINFORM &ndash; Almatynyń qylmystyq ister jónindegi mamandandyrylǵan aýdanaralyq sotynda ótip jatqan Gúlmıra Satybaldyǵa qatysty potseste qorǵaýshy sýdıa Martpek Kákimjanovqa qarsy shyqty.</p>

Aıyptalýshy Gúlmıra Satybaldanyń advokaty Danılovanyń sózinshe, 19 tamyz kúni ótken sot otyrysynda sýdıa Kákimjanov qaralyp jatqan is boıynsha sot tergeýin aıaqtaý týraly zańsyz qaýly shyǵarǵan.

«Sot barysynda Gúlmıra Satybaldynyń kinásizdigin dáleldeıtin qujattar usynylǵan joq. Sonymen qatar saraptama júrgizilmedi, ol týraly qorǵaýshy ótinish bildirdi, qosymsha kýágerler shaqyrylmady», - dedi G. Satybaldynyń advokaty Ásemgúl Danıalova.

Jábirlenýshi Abaı Júnisovtiń qorǵaýshysy Rashıd Teńizbaev advokat pikirimen kelispedi. Ol sýdıa Kákimjanovtyń osy is boıynsha sot talqylaýy barysynda qylmystyq isti jan-jaqty, obektıvti tekserýdi qamtamasyz etkenin atap ótti.

Іs boıynsha tóraǵalyq etýshi sýdıa Martpek Kákimjanovqa qarsylyq bildirýdi osy sottyń basqa sýdıasy Erkin Maıshınov qarady. 

«Sot sýdıa Kákimjanovqa qarsylyqty qanaǵattandyrýǵa negiz joq degen qorytyndyǵa keledi. Sot tergeýin aıaqtaý aıyptaý úkiminiń bar ekenin kýálandyra almaıdy, óıtkeni sýdıa dáleldemelerdi óziniń ishki senimderi boıynsha baǵalaıdy jáne zańdy basshylyqqa alady. Bul iske jeke qyzyǵýshylyq tanytady dep oılaýǵa negiz joq. Bas tartýdy qabyldamaý týraly qaýly etemin», - dedi sýdıa Erkin Maıshınov. 

Osyǵan deıin Gúlmıra Satybaldy isi boıynsha sot tergeýi aıaqtalǵany týraly jazǵan bolatynbyz. 

Eske salaıyq, buǵan deıin kásipker Abaı Júnisov Gúlmıra Satybaldy birlesken seriktestikte urlyq jasady degen kúdikpen kinásin moıyndaýdy talap etip, 2019 jyldyń aqpanynan beri úıinde zańsyz qamaýda ustaǵanyn aıtqan edi. 

Sot otyrysy kezinde Gúlmıra Satybaldy ózine taǵylǵan aıyppen kelispeıtinin málimdedi. 

Byltyr Gúlmıra Satybaldy bireýdiń múlkin ıemdený jáne jymqyrý qylmystyq isi boıynsha 7 jylǵa bas bostandyǵynan aıyryldy.