Gúlmıra Satybaldyǵa jańadan aıyptar taǵylyp, tergeý júrgizildi – Antıkor

<p>ASTANA. KAZINFORM &ndash; Gúlmıra Satybaldyǵa qatysty jańadan aıyptar taǵylyp, tergeý amaldary aıaqtaldy. Bul týraly Sybaılas jemqorlyqqa qarsy is-qımyl agenttigi tóraǵasynyń kómekshisi, resmı ókil Danııar Bıgaıdarov málim etti.&nbsp;</p>

«Kúdikti Gúlmıra Satybaldy men basqa da adamdarǵa qatysty bas bostandyǵynan zańsyz aıyrý, asa iri mólsherde qarjy bopsalaý, aýyr zardaptarǵa ákep soqqan ózin-ózi basqarý faktileri boıynsha tergeý aıaqtaldy. Almaty qalasynyń tergeý soty kúdiktini qamaýda ustaý sanktsııasyn taǵaıyndaldy. Qazir qylmystyq protseske qatysýshylar is materıaldarymen tanysýda, sodan keıin ol sotqa jiberiledi», - dedi Danııar Bıgaıdarov agenttikte ótken baspasóz máslıhatynda.

Eske salaıyq, Gúlmıra Satybaldy kásiporyndardyń qatysý úlesin zańsyz ıemdený, sonyń ishinde adam urlaýmen ushtasqan eki fakti boıynsha tergeýge alynǵan edi. Jábirlenýshige kelgen zalal somasy – 6,6 mlrd teńgeden asady.

Sondaı-aq, Gúlmıra Satybaldynyń sotqa deıingi tergeý kezinde shekara asyp ketpek bolǵany belgili boldy.

Ol sotta aıybyn ishinara ǵana moıyndady.

Aıta ketsek, prokýror Gúlmıra Satybaldyny 8 jylǵa bas bostandyǵynan aıyrýdy suraǵan edi.