Gúlmarash Orynbasarqyzy: Astana - Elbasy ıdeıasynyń jemisi
«Qazaqstannyń zamanǵa laıyq jańa astanasyn salý ıdeıasy memlekettiń Tuńǵysh Prezıdenti Nursultan Ábishuly Nazarbaevqa tıesili. Elordany Almatydan Aqmolaǵa aýystyrý týraly sheshimdi Qazaqstan Respýblıkasy Joǵarǵy Keńesi 1994 jyly 6 shildede qabyldady. Astanany resmı kóshirý 1997 jyldyń 10-y jeltoqsanynda júzege asyrdy. Prezıdenttiń 1998 jylǵy 6 mamyrdaǵy Jarlyǵymen Aqmolanyń ataýy Astana bolyp ózgertildi. Jańa astananyń halyqaralyq tusaýkeseri 1998 jylǵy 10 maýsymda ótti. Qazaqstannyń Tuńǵysh Prezıdentiniń ıdeıasymen irgesi qalanǵan jańa elorda qysqa merzim ishinde jalpyulttyq ıdeıa mártebesine ıe bolyp, jas memlekettiń táýelsizdiginiń sımvolyna jáne jahandyq tabysyna aınaldy. Ár eldiń bolashaq taǵdyryn aıqyndaıtyn tarıhı kezeńderi bolady. Sondaı kezeńderdiń biri - astanamyzdyń Saryarqa tósine qonystanýy boldy. Táýelsizdik týy kógimizde jelbiregen kúnnen bastap, elimiz úshin jańa tarıhtyń bastalǵany belgili. Táýelsizdigimizdiń tuǵyrly bolýy úshin Elbasymyz Nursultan Nazarbaev úlken maqsattardy alǵa qoıdy. Osy tusta Elbasymyzdyń kókireginde qaınap pisken, elordany Aqmolaǵa kóshirý týraly ıdeıasy eshbir kedergige, keıbireýlerdiń kúdikterine qaramastan iske asyp, búginde el maqtanyshyna aınalyp, tarıh betterinde altyn áriptermen jazyldy. Táýelsizdik týy kógimizde jelbiregen kúnnen bastap, elimiz úshin jańa tarıhtyń bastalǵany belgili», - deıdi Gúlmarash Muqasheva.
Ustaz astanaǵa Nur-Sultan ataýyn berý usynysyn qoldap, bul - qalanyń tarıhı negizi ekendigine toqtaldy.
«Elbasynyń izgi saıasaty, kóregendigi men kemeńger oıynyń jemisi, armany, maqsaty, halqynyń tarıhynan nár alǵandyǵy shyǵar. Astanamyzdyń shańyraǵy bıikke kóterilip, ýyǵy nyq qadalyp, keregesi kelisti jaıyldy deýge bolady. Astana qazirdiń ózinde azııalyq shaharlardyń arasyndaǵy eń bir eýropalyq qala. Osy eńseli elordamyzǵa Nur-Sultan ataýynyń berilýi durys dep bilemin. Tuńǵysh Prezıdentimizdiń osyndaı elordany jasaýy, Astanamyzdy álem tanýy, bul - Elbasynyń jetistigi», - deıdi Gúlmarash Orynbasarqyzy Muqasheva.