ASTANA. KAZINFORM - Qazaqstandyq Gúldana Bekesh (59 keli) Iordanııa astanasy Amman qalasynda ótip jatqan Azııa chempıonatynda áıelder kúresinen qola júldege talasady.
Ol jubanysh beldesýinde ózbekstandyq Sarbınaz Jıenbaevadan basym tústi. Endi keshki sessııada Gúldana Qytaı sportshysymen sheberlik baıqasady.
Sondaı-aq búgin Svetlana Ankıcheva (50 keli) 3-oryn úshin saıysqa túsedi.
Aqtyq aıqastar Astana ýaqytymen saǵat 20:00-de bastalady. Elimizde Azııa chempıonatyn Qazsport jáne Sport telearnasy tikeleı efırde kórsetedi.
Byltyr Bishkekte ótken qurlyqtyq dodada elimizdiń áıelder quramasy 4 qola aldy. Olardyń qatarynda Laýra Almaǵanbetova, Dıana Kaıýmova, Anastasııa Panasovıch, Elmıra Syzdyqova bar.
Eske salsaq, 2025 jylǵy Azııa chempıonatynda grek-rım kúresiniń sheberleri eki kúmis, eki qola medal alyp qaıtty.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.