Gúlbaqyt Júnisova Qaraǵandy oblysynyń bilim basqarmasyn basqarady

<p>Qaraǵandy oblysynyń bilim basqarmasyna Gúlbaqyt Júnisova basshy bolyp taǵaıyndaldy. Osy qyzmetke deıin ol Astananyń bilim salasyndaǵy sapany qamtamasyz etý departamentin basqarǵan, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Gúlbaqyt Júnisova 1977 jyly Qaraǵandy oblysynyń Qarqaraly aýdanynda dúnıege kelgen.

Joǵary ǵylymı-pedagogıkalyq bilimi bar, pedagogıka jáne bastaýysh oqytý ádistemesi magıstri.

Eńbek jolyn 1999 jyly bastaýysh synyp muǵalimi bolyp bastady, keıin kolledjde pedagogıka oqytýshysy jáne ádisker bolyp jumys istedi.

Qaraǵandy oblysy bilim basqarmasynyń tehnıkalyq jáne kásiptik bilim berý bólimin basqardy. Bilim jáne ǵylym mınıstrliginiń tehnıkalyq jáne kásiptik bilim departamenti tehnıkalyq jáne kásiptik, orta bilimnen keıingi bilim berý mazmuny men ádisnamasy basqarmasynyń basshysy boldy.

2020-2022 jyldary Qaraǵandy oblysy bilim basqarmasy basshysynyń orynbasary bolyp jumys istedi.

2022 jylǵy jeltoqsannan bastap osy taǵaıyndaýǵa deıin Oqý-aǵartý mınıstrligi bilim salasyndaǵy sapany qamtamasyz etý komıtetiniń Astana qalasy boıynsha departamentin basqardy.