Gúl dúkenindegi jaǵdaı: polıtsııa qyzmetkerlerine qatysty tergeý bastaldy
12:55, 13 Tamyz 2023
ShYMKENT. QazAqparat - Ózindik qaýipsizdik departamenti burynǵy ýchaskelik ınspektor Muhtar Bekovtiń «ROMANTIC» gúl salony men «Eldorado» resto-barynyń jumysshylaryna qatysty jasaǵan zańsyz áreketterine baılanysty buqaralyq aqparat quraldarynda taralǵan málimetterdi tekserdi, dep habarlaıdy QazAqparat.
ІІM málimetinshe, Bekovke qatysty Qazaqstan Respýblıkasy Qylmystyq kodeksiniń 191-babynyń 2-bóligi «Tonaý» boıynsha sotqa deıingi tergeý bastaldy.
«Shymkent qalasy polıtsııa departamenti qyzmetkerleriniń is-áreketteriniń zańdylyǵyn Qazaqstan Respýblıkasy Qylmystyq kodeksiniń 371-babynyń 1-bóligi «Salǵyrttyq» boıynsha bastalǵan sotqa deıingi tergep-tekserý barysynda ózindik qaýipsizdik bólimshesi tekseretin bolady.
Vedomstvo eki qylmystyq is boıynsha júrgizilip jatqan tergeýdiń obektıvtiligi men jan-jaqtylyǵyn qamtamasyz etetin bolady», - delingen resmı málimdemede.