Grýzııaǵa 30 myń dollardy alyp ketpek bolǵan adam ustaldy
00:45, 27 Mamyr 2022
NUR-SULTAN. QazAqparat - 30 myń AQSh dollaryn shekaradan zańsyz alyp ótpek bolǵan adamnyń joly kesildi. Ol Aqtaý – Tbılısı baǵytyndaǵy halyqaralyq áýe reısimen ushyp ketpek bolǵan. Bul týraly QazAqparat Memlekettik kirister komıtetini silteme jasap habarlaıdy.
Atalǵan fakti boıynsha ákimshilik materıal jasaldy.
Aıta keteıik, el Prezıdentiniń bıylǵy 14 naýryzdaǵy Jarlyǵymen Qazaqstannan 10 000 AQSh dollary balamasynan asatyn jáne áketý kúnine belgilengen Ulttyq bank baǵamy boıynsha eseptelgen somadaǵy qolma-qol shetel valıýtasy jáne shetel valıýtasyndaǵy aqsha quraldaryn; Ulttyq bank shyǵaratyn 5, 10, 20, 50 jáne 100 gramm affınırlengen altyn quımalaryn jáne ALTYN BARYS altynynan, KÚMIS BARYS kúmisinen jasalǵan ınvestıtsııalyq monetalardy, sondaı-aq 100 gramnan astam affınırlengen altyndy áketýge tyıym salynǵan.