Grýzııadan asa qaýipti qylmysker ekstradıtsııalandy

ASTANA. QazAqparat -  Búgin Qazaqstan Respýblıkasynyń Bas prokýratýrasy men Іshki ister mınıstrligi qylmystyq jaýapkershilikke tartý úshin asa qaýipti qylmysker Beslan Lorsanovty Grýzııadan ekstradıtsııalady, dep habarlaıdy QazAqparat.

Bas prokýratýradan málim etkendeı, Almaty qalasynyń Іshki ister departamenti Beslan Lorsanovty A.B. Hachatrıannyń ólimine qatysty 2011 jyldan beri izdestirip keledi.

Ol atys qarýyn qoldana otyryp, aldyn ala sóz baılasý arqyly bir top adammen qaraqshylyq shabýyl jasady dep kútiktelýde. Keltirilgen materıaldyq shyǵyn 300 mln teńgeden asady.

Qylmys jasalǵannan keıin kúdikti boı tasalap úlgerdi. Sol sebepti halyqaralyq izdeýge jarııalandy.

Qazirgi ýaqytta Lorsanov Astana qalasynyń tergeý ızolıatoryna jetkizildi.