Grýzııadaǵy saılaý: Parlamentke 9 partııa ótti

TBILISI. QazAqparat – Grýzııanyń ortalyq saılaý komıssııasy barlyq ýchaskelerdegi daýys sanaýdy aıaqtady. Proportsıonaldyq júıe boıynsha onynshy shaqyrylymdaǵy parlamentke qaı partııalardan qansha depýtat baratyny belgili boldy, dep habarlaıdy QazAqparat Grýzııa jańalyqtaryna silteme jasap.

Grýzııa parlamentinde 150 oryn bar. Jańa parlamentke barlyǵy toǵyz partııa ótedi.

Depýtattardyń kópshiligi parlament saılaýynda úshinshi ret jeńiske jetken qazirgi bıleýshi «Grýzın armany» partııasynan.

Konstıtýtsııada qarastyrylǵan erejege sáıkes, 120 proportsıonaldyq mandat kelesideı bólinedi:

«Grýzın armany» – 61 mandat (48.15%, 926 959 daýys)

«Ulttyq qozǵalys – birliktegi kúsh» - 35 mandat (27.14%, 522 463 daýys)

«Eýropalyq Grýzııa» – 5 mandat (3.78%, 72 752 daýys)

«Agmashenebelı strategııasy» – 4 mandat (3.15%, 60 592 daýys)

«Lelo» – 4 mandat (3.15%, 60 691 daýys)

«Patrıottar alıansy» – 4 mandat (3.14%, 60 493 daýys)

«Gırchı» – 4 mandat (2.89%, 55 600 daýys)

Aleko Elısashvılı «Azamattar» – 2 mandat (1.33%, 25 534 daýys)

Shalva Natelashvılı «Eńbek partııasy» – 1 mandat (1%, 19 281 daýys) .

Sonymen qatar, «Grýzın armany» 30 majorıtarlyq okrýgtiń 14-in jeńip aldy, demek, partııa alǵan mandattar sany 75-ke deıin ósedi.

Osylaısha atalǵan partııaǵa parlamenttegi kópshilik pen úkimetti qurý jáne bekitý múmkindigin qamtamasyz etý úshin bir ǵana mandat qajet. Ol úshin partııa Ol úshin partııa 21 qarashada ekinshi týr ótetin 16 majorıtarlyq okrýgtiń birinde jeńiske jetýi kerek.

Oppozıtsııalyq partııalardyń bir bóligi OSK jarııalaǵan nátıjelerdi zańdy dep tanymaıtynyn jáne Parlamentke ótýden bas tartatynyn málimdeıdi, biraq bul sheshim túpkilikti qabyldaný-qabyldanbaýy jáne qandaı partııalar boıkotqa qosylatyny áli belgisiz.