Grýzııadaǵy mýnıtsıpaldy saılaýda «Grýzııa armany» partııasy kósh bastap tur

TBILISI. QazAqparat – «Grýzııa armany» bıleýshi partııasy mýnıtsıpaldy saılaýda 48,56% daýyspen kósh bastap keledi. Bul – Grýzııanyń Ortalyq saılaý komıssııasynyń (OSK) saılaý ýchaskeleriniń 38,63% saılaý bıýlletenderin óńdeýden keıingi málimetteri, dep habarlaıdy QazAqparat «Novostı-Grýzııa» aqparat portalyna silteme jasap.

Eldegi eń iri oppozıtsııalyq partııa «Biryńǵaı ulttyq qozǵalys» 32,32% daýys jınap otyr. Úshinshi orynda – 6,87% daýys jınaǵan eks-premer-mınıstr Georgıı Gaharııanyń «Grýzııa úshin» partııasy.

Mýnıtsıpaldy saılaýdyń basty oqıǵasy «Grýzı armany» bıleýshi partııasy saılaýshylardyń 43% daýysyn jınaı alý-almaýynda bolyp otyr. Bul Sharl Mıshel kelisimine sáıkes, elde merziminen buryn parlament saılaýyn ótkizýdiń sharty. Bılik partııasy saılaýdan úsh aı buryn kelisimnen birjaqty shyqqanyna qaramastan, oppozıtsııa olardy referendým dep ataýda.