Grýzııadaǵy oppozıtsııa saılaýdy qaıta ótkizýdi talap etip, halyq kóshege shyqty

<p>ASTANA. KAZINFORM &ndash; Grýzııa oppozıtsııasy 26 qazandaǵy saılaýdan keıin narazylyq sherýlerin turaqty túrde ótkizýge ýáde berdi. Ol saılaý qorytyndysy burmalanǵan dep sanaıdy, dep habarlaıdy&nbsp;<a href="https://ru.euronews.com/" target="_blank" rel="noopener">Euronews.&nbsp;</a></p>

Tbılısıdiń Rýstavelı dańǵylyndaǵy parlament ǵımaratynyń aldyna grýzın oppozıtsııasynyń myńdaǵan jaqtastary sherýge shyǵyp, saılaý qorytyndylaryna narazylyq bildirdi.

26 qazanda Ortalyq saılaý komıssııasy bıliktegi «Grýzın armany» partııasyn jeńimpaz dep jarııalady. Bul sheshimdi oppozıtsııa da, el prezıdenti Salome Zýrabıshvılı de moıyndaýǵa kelisken joq. EQYU ókilderi sol kezde Grýzııadaǵy saılaý protsesi halyqaralyq demokratııalyq standarttarǵa jetkilikti túrde sáıkes kelmeıtinin málimdedi.

Rýstavelı dańǵylyndaǵy sherýdi uıymdastyrýshylar úsh saıası kúsh «Ózgeris úshin koalıtsııa», «Biryńǵaı ulttyq qozǵalys» jáne «Myqty Grýzııa» ókilderi birlesip áreket etip, qaıta saılaý ótkizý úshin narazylyq sherýin merzimsiz, al mıtıngilerdi kúndelikti etýge kelisti.

Dúısenbi kúngi sherýge ártúrli málimet boıynsha 4-5 myń adam jınaldy. Kelesi sherý búgin Tbılısı sport saraıynda ótýi tıis.

Buǵan deıin Grýzııanyń Ortalyq saılaý komıssııasy prokýratýraǵa prezıdent Salome Zýrabıshvılı tarapynan taǵylǵan aıyptardyń negizdiligin anyqtaý ótinishin berdi.