Grýzııada jer qatty silkindi

TBILISI. QazAqparat – Grýzııa Ulttyq seısmıkalyq monıtorıng ortalyǵynyń málimetinshe, Dmanısı mýnıtsıpalıtetindegi Irganchaı aýyly mańynda magnıtýdasy 5,3 baldyq jer silkinisi boldy, dep habarlaıdy QazAqparat «Grýzııa jańalyqtaryna» silteme jasap.

Jerasty dúmpýleri 1 mamyrda jergilikti ýaqyt boıynsha saǵat 23:35-te tirkelgen. Olar jer silkinisi oshaǵynan shamamen 80 shaqyrym jerdegi Tbılısıde jáne Grýzııanyń basqa da qalalarynda sezildi.

Dmanısı men Nınotsmında shekarasyndaǵy aýmaq (Kvemo-Kartlı jáne Samtshe-Djavahetı aımaqtary) sońǵy ýaqytta belsendi seısmıkalyq aımaqqa aınaldy. Ol jaqtarda kún saıyn derlik jer asty dúmpýleri bolady.

Bul aımaqtaǵy eń qatty jer silkinisi 13 aqpan kúni keshke tirkelgen. Onyń magnıtýdasy 6,1 balǵa jetken edi. Odan keıin birneshe dúmpý boldy, olardyń eń myqtysy - 4,5 bal. Jer silkinisi saldarynan Dmanısı mýnıtsıpalıtetindegi mektep ǵımaraty men 20-ǵa jýyq úı zardap shekti.

Buǵan deıin habarlaǵanymyzdaı, Shanhaıda bir táýlikte 38 adam koronavırýstan qaıtys boldy.