Grýzııada shetel agentteri týraly zań jobasy keri qaıtaryldy

TBILISI. QazAqparat – «Grýzın armany-Demokratııalyq Grýzııa» bıleýshi partııasy jappaı narazylyqtan keıin Grýzııa parlamentinen sheteldik agentter týraly zań jobasyn alyp tastaý jóninde sheshim qabyldady. Bul týraly saıası birlestiktiń beısenbi kúni jarııalanǵan málimdemesinde aıtylǵan, dep habarlaıdy QazAqparat.

«Qoǵamnyń árbir múshesiniń aldynda jaýapty basqarýshy kúsh retinde biz ózimiz qoldaǵan shetel agentteri týraly zań jobasyn eshqandaı alǵyshartsyz keri qaıtaryp alý jóninde sheshim qabyldadyq», - delingen partııanyń saıtynda.

Eske sala keteıik, Grýzııa parlamenti seısenbi kúni birinshi oqylymda «shetel agentteri» týraly zańdy maquldaǵan edi.

Osyǵan baılanysty Tbılısı ortalyǵynda eki kún boıy narazylyq aktsııasy ótken.

Birneshe saǵat boıy myńdaǵan adam qatysqan ereýil salystyrmaly túrde tynysh ótti.

Jergilikti ýaqyt boıynsha tún ortasyna bir saǵat qalǵanda narazylyq bildirýshilerdiń bir bóligi parlament ǵımaratyn qorshaı bastaǵanda jaǵdaı ýshyqty.

Grýzın aqparat quraldarynyń habarlaýynsha, narazylyq bildirýshiler arasynda arnaıy jasaqtan qashqan kezde paıda bolǵan gaz, tútin jáne tóbelesten zardap shekkender kóp. Qamaýǵa alynǵandar da bar.