Grýzııada mıtıngke shyqqandar parlament ǵımaratyn órtedi

<p>ASTANA. KAZINFORM &ndash; Іshki ister mınıstrliginiń qyzmetkerleri Tbılısıdegi parlament ǵımaraty mańynda narazylyq bildirýshilerdi toqtatý úshin sýatqyshty qoldandy, dep habarlaıdy Kazinform agenttigi reseılik <a href="https://t.me/tass_agency/288318" target="_blank" rel="noopener">TASS</a> agenttigine silteme jasap.</p>

Demonstranttar birneshe saǵat boıy parlament ǵımaratyna qaraı petarda laqtyryp, otshashý atty. Petardalardyń biri terezege kirip, ishte órt shyqty.

Ázirge, parlament mańynda órt sóndirýshiler keldi me, qyzyl jalyn aýyzdyqtalyp jatyr ma belgisiz.

Aıta keteıik, Tbılısıde senbi kúninen bastap parlament ǵımaratynyń janynda úkimetke qarsy taǵy bir sherý ótip jatyr. Rýstavelı dańǵylyna ondaǵan myń adam jınalyp, kólik qozǵalysy toqtaǵan. Polıtsııamen qaqtyǵys bolǵan joq.

Sońǵy eki kúnde Grýzııada halyq jappaı narazylyqqa shyqqan. Tbılısıdegi parlamentte qarashanyń 29-nan 30-na qaraǵan túni kúshtik qurylymdar sherýshilerge qarsy sýatqyshtar men kózden jas aǵyzatyn gaz qoldanǵan. Grýzııa premer-mınıstri Iraklıı Kobahıdze óz sózinde bul «sherýshilerdiń zorlyq-zombylyǵyna» jaýap boldy, dedi.

Eki jaqtan da zardap shekkender bar. Eki kún ishinde polıtsııa 150-ge jýyq adamdy ustady.

Osyǵan deıin Grýzııadaǵy sherýler kezinde 100-den asa adam qamaýǵa alynyp, 10 polıtseı jaraqat alǵany týraly jazdyq.