Grýzııada erli-zaıyptylar jańa týǵan ulyn satpaq boldy

TBILISI. Newsgeorgia – QazAqparat – Grýzııanyń memlekettik qaýipsizdik qyzmeti jańa týǵan náresteni satý jóninde kelisim jasaǵan úsh adamdy ustady, dep habarlaıdy QazAqparat Newsgeorgia agenttigine silteme jasap.

Tergeý málimeti boıynsha, Dýshetı qalasynda (Mtsheta-Mtıanetı aımaǵy) turatyn erli-zaıyptylar 18 maýsym kúni uldy bolǵan. Ata-ana náresteni satqysy kelip bir adammen bes myń dollarǵa kelisedi.

Ol turǵyn Azamattar reestrinde balanyń ákesi retinde tirkelip, týý týraly kýálik alǵan. Sodan keıin náresteniń ata-anasyna kelisilgen somany bergen. Sol sátte qylmystyq istiń barlyq músheleri qolǵa tústi.

Memlekettik qaýipsizdik qyzmeti aqshany berý kezinde jasyryn kamera túsirgen beınejazbany jarııalady.

Tergeý «Kámeletke tolmaǵan adamǵa qatysty zańsyz mámile» baby boıynsha júrip jatyr. Qylmystyq istiń qatysýshylary 2 jyldan 5 jylǵa deıin bas bostandyǵynan aıyrylýy múmkin.