Grýzııada bir táýlikte 1164 adam koronavırýs juqtyrǵan

TBILISI. QazAqparat – Grýzııada ótken táýlikte koronavırýs juqtyrýdyń 1164 jańa jaǵdaıy anyqtalǵan. Bul týraly Aýrýdy baqylaý jónindegi ulttyq ortalyq málim etti, dep habarlaıdy QazAqparat «Novostı-Grýzııa» aqparat portalyna silteme jasap.

Sońǵy 24 saǵatta koronavırýstan 2292 adam saýyǵyp shyqsa, ınfektsııa saldarynan 33 patsıent kóz jumǵan.

Pandemııa bastalǵaly Grýzııada koronavırýs juqtyrýdyń 617 753 jaǵdaıy anyqtalǵan, olardyń 589 791 adamy saýyǵyp shyqsa, 9038 patsıent kóz jumǵan.

2 qazanda Grýzııada 1826 adam koronavırýsqa shaldyqqan, 795 adam emdelip shyqqan, 29 naýqas qaıtys bolǵan.

Qazirgi kezeńde Grýzııada ınfektsııa juqtyrýdyń 18 898 belsendi jaǵdaıy tirkelgen, onyń ishinde 4 102 adam aýrýhanalarda emdelýde, onyń ishinde 1 452-si — Tbılısı, 354-i — Adjarııa, 888-i — Imeretı aýrýhanalarynda.

Qazir 983 adam qatty aýyryp jatyr. Jasandy tynys alý apparatynda 248 adam bar.

675 adam Tbılısı men Adjarııadaǵy klınıkalyq qonaq úılerge jatqyzylǵan.

Úıde vırýstan 14 121 adam emdelip jatyr.

31 adam karantındik aımaqtarǵa ornalastyryldy. Olardyń barlyǵy – Tbılısıde.

2020 jyldyń 6 qazanynan 2021 jyldyń 2 qazanyna deıin memlekettik shekaradan karantındik aımaqtarǵa barlyǵy 25 197 adam kóshirilgen.