Grýzııada alǵashqy dala gospıtali koronavırýs juqtyrǵan naýqastardy qabyldaı bastady

TBILISI. -QazAqparat – Tbılısı shetindegi Dıgomı shaǵyn aýdanynda alǵashqy dala gospıtali koronavırýs juqtyrǵan naýqastardy qabyldaı bastady. Bul týraly búgin jýrnalısterge Grýzııanyń Densaýlyq saqtaý mınıstrligi basshysynyń orynbasary Tamar Gabýnııa málim etti, dep habarlaıdy QazAqparat newsgeorgia.ge-ge silteme jasap.

«Osyndaı qajettilik týǵannan keıin keshe keshke dalalyq gospıtal jumysyn bastady. Ol jerge toǵyz naýqas jatqyzylǵan, barlyǵynyń jaǵdaıy ortasha aýyr. Gospıtal búginnen bastap tolyq júktememen jumys isteı bastaıdy», - dedi Gabýnııa.

Ol dalalyq gospıtaldiń naýqastardy ýaqytsha ornalastyrý úshin daıyndalǵanyn atap ótti. Onyń aıtýynsha, naýqastar osynda túskennen keıin 2-3 kún óte kovıd otel nemese aýrýhanaǵa aýystyrylýy kerek.

«Biz úshin eń mańyzdysy – naýqastardyń jaǵdaıyn der kezinde turaqty etý, artynsha olardyń jaǵdaıyna qaraı tıisti jerge aýystyrý. Menińshe naýqastar dala gospıtalinde 2-3 kúnnen artyq qalmaýy kerek», - dedi Gabýnııa.

Jalpy Dıgomıdegi dala gospıtali 500 adamǵa arnalǵan. Ol ókpeni jasandy jeldetý apparaty jáne ottegi tsısternalarymen jabdyqtalǵan. Eldiń Densaýlyq saqtaý mınıstriniń aıtýynsha, ortalyqty jasaqtaýǵa 150 myń ları ketken.

Buǵan deıin mınıstrlik dala gospıtali tek jaǵdaıy ortasha aýyr jáne aýyr emes naýqastardy qabyldaıtynyn málimdegen bolatyn. Tıkaradzeniń sendirýinshe, osynda jumys isteıtin medıtsınalyq ujym arnaıy daıyndyqtan ótken, jumysqa jaramdy.

Samgorı aýdanynda taǵy bir dalalyq gospıtal jabdyqtalǵan. Alaıda ony iske qosý ázirge josparda joq. Osyndaı pýnktter jaqyn arada Ajarııa men Imeretııada paıda bolýy múmkin.

Grýzııada koronavırýstyń tórtinshi tolqyny ótip jatyr. Eldegi ortasha táýliktik kórsetkishter epıdemııanyń basynan bergi barlyq rekordty jańartty. Aýrýhanalardaǵy koronavırýs juqtyrǵan naýqastarǵa arnalǵan bólimsheler tolyq.

Jalpy qazirgi kezde elde 59 myń naýqas bar. 48,9 myń naýqas úıde emderip jatyr, olardy otbasylyq dárigerler baqylaýǵa alǵan. Statsıonarlarǵa keletin bolsaq, Grýzııa aýrýhanalarynda koronavırýs juqtyrǵan naýqastarǵa arnalǵan barlyq 7 650 tósek-orynnyń 412-si ǵana bos.