Grýzııada 9 adamdy kepilge alǵan qarýly turǵyn ustaldy

TBILISI. QazAqparat – Tbılısıdegi qarjy uıymynyń qyzmetkerlerin kepilge alǵan qaraýly adam ustaldy, dep habarlaıdy QazAqparat Novostı-Grýzııa saıtyna silteme jasap.

Kepilge adamdardy alǵan qarýly adamnyń ustalǵany jáne oqıǵadan eshkimniń zardap shekpegeni týraly aqparatty Tbılısı patrýldik polıtsııasynyń basshysy Vaja Sıradze rastady.

Búgin qarýlanǵan er adam qaladaǵy qarjy uıymnyń keńsesine basa-kóktep kirip, 9 adamdy kepilge alǵan.

«Birneshe saǵatqa sozylǵan kelissózdiń nátıjesinde kepilge alynǵan adamdar bosatyldy, qarýly adam ustaldy», - dedi Sıradze.

Qarýly kúdikti óziniń kim ekenin jasyrmaǵan. Birneshe ret jelide tikeleı efırge shyqqan. Ol kepilge alǵan adamdardyń bosatýdyń talaby retinde elde qumar oıyndarǵa tyıym salý, bank nesıelerin tómendetý, medıkamentter baǵasyn arzandatýdy aıtqan.