Grýzııa taýyndaǵy eń alyp muzdyqtyń bir bóligi opyrylyp ketti

TBILISI. QazAqparat - Grýzııada Svanetıı taýyndaǵy Lehzırı muzdyǵynyń bir bóligi opyrylyp ketti. Mamandar buǵan jazdyń ystyq kúninde qardyń tez erýi sebepshi boldy dep sanaıdy. Bul týraly QazAqparat «Grýzııa jańalyqtaryna» silteme jasap habarlaıdy.

Grýzııanyń soltústik-batysynda Úlken Kavkaz shyńynda ornalasqan Lehzırı muzdyǵynyń aýdany shamamen - 36 sharshy shaqyrymdaı, uzyndyǵy - 15,9 shaqyrym. Muzdyqtyń eń bıik núktesi teńiz deńgeıinen eki myń metr bıikte ornalasqan. Muzdyqqa jaqyn aýmaqta eldi-meken joq. Alaıda osy kezde oǵan alpınıster barady.

Mamandar muzdyqtyń opyrylǵan tusyn zertteýge kiristi, dep habarlaıdy eldiń Qorshaǵan ortany qorǵaý jónindegi ulttyq agenttigi. Bastapqy málimet boıynsha muzdyqtyń kóshýinen eshkim zardap shekpegen. Al muzdyqqa baratyn jol osy aýmaqtaǵy jaǵdaıdyń ary qaraı qalaı ózgeretini anyqtalmaıynsha  jabyq bolady.

«Boljam boıynsha biz glıatsıologııalyq úderiske kýá bolyp otyrmyz (jyldyń ystyq kezinde muzdyqtyń jedel erýi), bul tabıǵatta jıi kezdesetin qubylys», - dep málim etti agentiktegiler.