Grýzııa prezıdenti qyzmetinde qaldy: Impıchment bastamasy sátsiz aıaqtaldy

<p>Grýzııa basqarýshy partııasy prezıdent Salome Zýrabıshvılıge ımpıchment jarııalaý bastamasyn iske asyra almaı qaldy.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://www.newsgeorgia.ge/impichment-prezidentu-gruzii-provalilsja-u-pravjashhej-partii-ne-hvatilo-golosov/" target="_blank" rel="noopener">&laquo;Grýzııa jańalyqtaryna&raquo;</a>&nbsp;silteme jasap habarlaıdy.</p>

Impıchment jarııalaý úshin basqarýshy partııaǵa parlamenttegi 150 daýystyń 100-in jınaý qajet boldy. Alaıda olardy tek 86 depýtat qoldady. Bir depýtat qarsy daýys berdi.

Nátıjesinde, Salome Zýrabıshvılı el bıliginde qala beredi.

Eske salaıyq, Grýzııanyń «Grýzııa armany» basqarýshy partııasy is basyndaǵy prezıdentke ımpıchment jarııalaý bastamasyn kótergen bolatyn. Partııa Salome Zýrabıshvılıdi úkimetpen kelispeı sheteldik saparǵa attanyp, solaısha kontıtýtsııany buzdy dep aıyptady. S.Zýrabıshvılı 31 tamyzda prezıdent Frank-Valter Shtaınmaıermen kelissóz júrgizý úshin Germanııaǵa barǵan. Ol Grýzııany Eýroodaqqa kirýge úmitker retinde tanystyrý úshin Eýropanyń kóshbasshylarymen birqatar kezdesý ótkizgen. Grýzııa úkimeti bul sapardy maquldamady.

Keshe Grýzııanyń Konstıtýtsııalyq soty el prezıdenti Salome Zýrabıshvılıge ımpıchment jarııalaý protsedýrasyn bastaýǵa ruqsat berý sheshimin jarııalady.