Grýzııa premer-mınıstri qyzmetinen ketti

<p>ASTANA. KAZINFORM - Iraklıı Garıbashvılı Grýzııa premer-mınıstri qyzmetinen ketti, dep habarlaıdy &laquo;<a href="https://www.newsgeorgia.ge/iraklij-garibashvili-podal-v-otstavku-s-posta-premer-ministra-gruzii/" target="_blank" rel="noopener">Novostı-Grýzııa</a>&raquo;.</p>

«Jurtshylyqty komandammen talqylaǵan sheshimim týraly aqparattandyrǵym keledi. Búgin men premer-mınıstr qyzmetinen ketemin», - dep málimdedi Garıbashvılı brıfıng barysynda.

Garıbashvılı brıfıngine deıin basqarýshy partııada bul taqyryptaǵy barlyq áńgime – óz paıdasy úshin paıdalanyp qalýshylyq ekenin aıtty.

Bul – Garıbashvılıdiń premer qyzmetindegi ekinshi otstavkasy. Ol úkimet basyna birinshi ret 2013 jyly kelip, Bıdzına Ivanıshvılıdiń ornyn basqan jáne 2015 jyldyń 30 jeltoqsanynda otstavkaǵa ketti. 2021 jyldyń 22 aqpanynda Garıbashvılı ekinshi ret Grýzııa premer-mınıstri boldy. Ol joly Georgıı Gaharııanyń ornyna kelgen.

Grýzııa BAQ-tary Garıbashvılıdiń qyzmettegi izin jalǵastyrýshy Iraklıı Kobahıdze bolýy múmkin ekenin aıtady. Ol qazirgi ýaqytta «Grýzın armany» basqarýshy partııasynyń tóraǵasy qyzmetin atqarýda.

«Saıası keńeste jazǵa deıin, saılaý naýqany bastalǵansha qalý múmkindigin talqylaǵanymdy jasyrmaımyn, biraq bul sheshimdi qazir qabyldadym. Kelesi premer-mınıstr óz komandasyn ýaqtyly usynyp, jańa úkimet qurǵany mańyzdy. Jańa premer-mınıstrge sáttilik tileımin», - dedi Garıbashvılı.