Grýzııa premeri otstavkaǵa ketti
«Grýzııa premer-mınıstri laýazymynan ketý jóninde sheshim qabyldadym»,-dedi ol.
Kvırıkashvılı otstavkaǵa bıliktegi «Grýzııa armany» partııasynyń tóraǵasy Bıdzın Ivanıshvılımen aradaǵy kelispeýshilik saldarynan ketkendigin málimdedi.
«12 maýsymda bılik basyndaǵy saıası kúsh ókilderimen kezdesý ótti. Menimen jáne bıliktegi kúsh arasynda kelispeýshilik týyndady. Naqtylap aıtqanda, áńgime men basqaratyn partııanyń ekonomıkalyq saıasaty jaıynda boldy»,-dedi Kvırıkashvılı.
Kvırıkashvılı 2012 jylǵy 25 qarashadan ekonomıka mınıstri, al 2013 jylǵy shildeden bastap vıtse-premerlikti qatar atqardy. 2015 jyly vıtse-premerlikti saqtaı otyryp, Syrtqy ister mınıstri laýazymyna taǵaıyndaldy. 2015 jyly 29 jeltoqsanda Grýzııa parlamenti Kvırıkashvılıdi premer-mınıstr, al sol jyldyń 30 jeltoqsanynda prezıdent ony Úkimet basshysy etip bekitti.