Grýzııa polıtsııasymen tyǵyz baılanystamyz – Іshki ister mınıstri Ásel Aıtpaevanyń ólimi týraly

NUR-SULTAN. QazAqparat – QR Іshki ister mınıstri Erlan Turǵymbaev 26 jastaǵy Ásel Aıtpaevanyń Grýzııada qaza bolýy jóninde pikir bildirdi, dep habarlaıdy QazAqparat.

«Osy qylmystyq is boıynsha bizde birqatar tergeý jumystary júrgizilip, adam saýdasy týraly is qozǵaldy. Qazir negizgi aıyptalýshy ustaldy, qamaýǵa alyndy, tergeýde otyr, birneshe tergeý amaldary júrgizilýde», - dep jaýap berdi E. Turǵymbaev Ortalyq kommýnıkatsııalar qyzmetinde tilshi suraǵyna.

Sonymen birge, mınıstr Grýzııada óz-ózine qol jumsaýǵa ıtermeleý faktisi boıynsha qatar tergeý júrip jatqanyn jetkizdi.

«Biz Grýzııa polıtsııasymen tyǵyz baılanysta jumys isteýdemiz. Men munda tergeý materıaldary tergeý áreketteri aıaqtalǵansha jarııa etilmeıtinin aıtqym keledi. Tergeý áriptesterimizben tyǵyz baılanysta jalǵasýda», - dedi Erlan Turǵymbaev.

Eske sala keteıik, 26 jastaǵy Ásel Aıtpaevanyń denesi 5 mamyr kúni Tbılısı qalasyndaǵy bir úıdiń terezesiniń astynan tabylǵan edi. Ol 9-qabattan qulap mert bolǵan.

Keıinnen Grýzııa prokýratýrasy qazaqstandyq qyzdy zorlaý jáne óz-ózine qol jumsaýǵa ıtermeleý isi boıynsha aıyptaý shyǵardy.

16 mamyr kúni Nur-Sultan qalasynyń polıtsııa departamentinen málim etkendeı, boıjetkenniń ata-anasynyń aryzy boıynsha onyń týysy M.Meıirbekov ustalyp, oǵan qatysty Qylmystyq kodekstiń 128-babymen (adam saýdasy) sotqa deıingi tergeý bastaldy.