Grýzııa parlamentinde depýtattar tóbelesip qaldy

<p>TBILISI. KAZINFORM &ndash; Grýzııa parlamentiniń oppozıtsııalyq &laquo;Azamattar&raquo; partııasynyń depýtaty Aleksandr Elısashvılı shetel agentteri týraly zań jobasyn talqylaý barysynda bıleýshi &laquo;Grýzın armany &ndash; Demokratııalyq Grýzııa&raquo; partııasynyń atqarýshy hatshysy, parlamenttik kópshiliktiń jetekshisi Mamýka Mdınaradzemen tóbelesip qaldy. Otyrys zań shyǵarýshy organnyń saıtynda tikeleı kórsetildi.</p>

TASS agenttiginiń habarlaýynsha, Mdınaradze zań jobasyn birinshi oqylymda qaraǵan parlamenttiń quqyqtyq máseleler jónindegi komıtetiniń otyrysynda depýtattardyń suraqtaryna jaýap berip turǵan. Kenet oǵan Elısashvılı júgirip kelip, qolymen Mdınaradzeniń basynan urǵan. Tóbeleske basqa depýtattar da qosylyp ketken. Komıtet otyrysynda úzilis jarııalandy. Sot oryndaýshylary Elısashvılıdi májilis zalynan shyǵarýǵa májbúr boldy.

Grýzııanyń basqarýshy partııasy sáýir aıynyń basynda «Sheteldik yqpaldyń ashyqtyǵy týraly» zań jobasyn parlamentke qaıta engizý týraly sheshimin osyǵan uqsas bastama jappaı narazylyqtar týǵyzǵannan keıin bir jyl ótken soń jarııalady. Zań jobasynyń mátininde 2023 jylǵydaı «sheteldik yqpal agenti» termıniniń ornyna «sheteldik derjavanyń múddelerine qyzmet etetin uıym» túsinigi qoldanylǵan.

Zań jobasyna oppozıtsııa, prezıdent Salome Zýrabıshvılı, sondaı-aq dıplomatııalyq korpýs, onyń ishinde Grýzııadaǵy EO mıssııasy men AQSh elshiligi qarsylyq bildirdi. Bastamaǵa qarsylardyń pikirinshe, zań jobasy Grýzııanyń Eýroodaqpen ıntegratsııalanýyna kedergi keltiredi.