Grýzııa men Ázerbaıjannan kólik ákelip jatqan qazaqstanlyqtarǵa eskertý jasaldy
Ýaqytsha ákelingen kólik quraldaryn satyp alýǵa jáne Qazaqstan aýmaǵynda paıdalanýǵa tek kedendik tazartýdan soń jáne tıesili kedendik alymdardy jáne salyqtardy tólegen soń ǵana ruqsat beriledi.
Jeke paıdalanýǵa arnalǵan sheteldik kólik quraldaryn, shet el azamattary óz kólik quraldaryn ákelgennen soń Qazaqstannyń aýmaǵynan biraz ýaqytan keıin ketip qalatyny baıqalýda (bular negizinen Grýzııa men Ázerbaıjan azamattary).
Osy áreketter negizinde oıǵa keletini bul kólik quraldary qandaı da bir kedendik bajdar men salyqtardy tóleýsiz Qazaqstan Respýblıkasynyń aýmaǵynda tirkeýge qoıylyp jáne Qazaqstan azamatyna tapsyrý maqsatynda EAEO aýmaǵyna ákelinedi.
Jalpy 2020 jyldan bastap qazirgi ýaqytqa deıin QR aýmaǵyna Grýzııa men Ázirbaıjannan 4157 avtokólik quralyn alyp kelgen, onyń ishinde 2130 avtokólik boıynsha QR aýmaǵynda ýaqytsha júrýdiń merzimi ótip ketken.
Mańǵystaý jáne Túrkistan oblystary boıynsha memlekettik kirister departamentterimen tıesili kedendik alymdardy jáne salyqtardy tólemesten QR aýmaǵynda tirkelgen avtokólik quraldaryna baılanysty jeke tulǵalarǵa 230 habarlama tabystaldy.
Atalǵan aýmaqtyq memlekettik kirister departamentterimen 2021 jyldyń 30 qyrkúıeginen keıin shyǵarylǵan 300 avtokólik ıelerine 6,6 mln. teńge mólsherinde ákimshilik aıyppuldar salynyp, óndirilgen.
Eskeretin jáıt, Eýrazııalyq ekonomıkalyq odaqtyń (EAEO) keden aýmaǵyna úshinshi elderden ýaqytsha ákelingen kólik quraldary óz mártebesi boıynsha sheteldik taýarlar bolyp tabylady (ıaǵnı EAEO taýarlary bolyp tabylmaıdy) jáne kedendik baqylaýda bolady
Jeke paıdalanýǵa arnalǵan kólik quraldaryn Odaqqa múshe bolyp tabylmaıtyn memlekette tirkelgen sheteldik jeke tulǵalardyń Odaqtyń kedendik aýmaǵyna ýaqytsha 1 jyldan aspaıtyn merzimge ákelýine ruqsat etiledi.
Bul rette, ýaqytsha ákelingen kólik quraldy deklaranttyń ózi ǵana basqarýǵa quqyly jáne ony bireýge tapsyrýǵa nemese senimhat arqyly satýǵa tyıym salynady.
Ýaqytsha ákelý merzimi aıaqtalǵannan keıin avtokólik quraldary EAEO aýmaǵynan shyǵyp ketýi qajet, alaıda shyǵyp ketpegen jaǵdaıda EAEO qoldanystaǵy zańnamasyna sáıkes tıisti sharalar qoldanylatyn bolady.
Sheteldik kólik quraldarynyń shyǵarylýy Eýrazııalyq ekonomıkalyq odaqtyń aýmaǵynan tys júzege asyrylýy qajet sheteldik kólik quraldardy shyǵarý týraly mindetteme EAEO elderiniń aýmaǵynyń barlyǵyna qoldanylady.
Sheteldik azamattar kólik quraldaryn shyǵarýǵa óziniń múmkindigi bolmaǵan jaǵdaıda tasymaldaýshynyń kómegimen shyǵarýyna bolady, sonymen qatar sheteldik azamattar kólik quraldaryn shyǵarýǵa jáne turatyn memleketine qaıtý úshin memlekettik shekaradan ótýine bolady.
Osyǵan deıin, koronovırýstyq ınfektsııanyń (COVID-2019) aldyn alýǵa jáne taralýyna jol bermeýge baǵyttalǵan sharalardy qabyldaýǵa baılanysty qalyptasqan jaǵdaıda ýaqytsha ákelý merzimin 2021 jyldyń 30 qyrkúıegine deıin (keden organynyń ruqsatynsyz jáne kedendik deklaratsııasyz) uzartý týraly sheshim qabyldanǵan bolatyn.
Ýaqytsha ákelý merzimi aıaqtalǵannan keıin atalǵan kólik quraldarynyń buzýshylyqtaryn anyqtaý máselesi boıynsha jumystar Qazaqstan Respýblıkasynyń Іshki ister mınıstrliginiń Ákimshilik polıtsııa komıtetiniń qyzmetkerlerimen birlesip júrgiziletin bolady (atalǵan kólik quraldaryna ýaqytsha ákelý merzimin buzǵany úshin 15 bir aılyq kórsetkish kóleminde ákimshilik aıyppul qarastyrylǵan, sonymen qatar tolyq kedendik tazartýdan ótip, kedendik bajdar men salyqtardy tóleıtinin eskertemiz).