Grýzııa baıqaýshysy: Májilis pen máslıhat saılaýlary joǵary kásibı deńgeıde ótti
«Biz Astana qalasyndaǵy 10-nan astam saılaý ýchaskesindegi jumysty baıqadyq. Saılaý protsesi tynysh ári beıbit ahýalda ótti. Saılaýshylar úshin, olardyń erkin qalaýyn bildirýi úshin barlyq jaǵdaı jasalǵan. Ýchaskelik komıssııalar kásibı turǵyda jumys istedi», - dedi G.Sharabıdze.
Sonymen qatar ol ózderiniń baıqaýshylar toby saılaý zańnamasynyń buzylýy jaıyndaǵy birde-bir derekti tirkemegendigin atap ótti.
«Saılaý ýchaskeleriniń tehnıkalyq turǵyda jaqsy jaraqtanǵanyn ári logıstıkanyń yńǵaıly uıymdastyrylǵandyǵyn atap ótken oryndy. Saılaý joǵary kásibı deńgeıde ótti deýge tolyq negiz bar», - dedi grýzııalyq baıqaýshy.
Esterińizge sala keteıik, keshe elimizde QR Parlamenti Májilisi men barlyq deńgeıdegi máslıhat depýtattarynyń saılaýy ótti. QR OSK derekterine sáıkes, oblystyq, Astana jáne Almaty qalalarynyń saılaý komıssııalarynan kelip túsken habarlar boıynsha tizimge engizilgen 9 mln. 810 myń 920 saılaýshynyń 7 mln. 564 myń 281-i saılaý bıýlletenderin aldy. Aldyn ala aqparatqa sáıkes, respýblıka boıynsha tizimge engizilgen barlyq saılaýshylardyń 77,1 paıyzy daýys berýge qatysty. Ótken saılaýlardyń derekterimen salystyrǵanda, bul - rekordtyq kórsetkish.