Grýzııa astanasynda narazylyq bildirýshiler polıtsııamen qaqtyǵysty

ASTANA. QazAqparat – Grýzııa astanasy Tbılısıde «shetel agentterine» qatysty zańǵa narazylyq bildirýshi toptyń áreketi polıtsııamen qaqtyǵysqa ulasty, dep habarlaıdy QazAqparat BBC agenttigine silteme jasap.

Polıtsııa narazylyq bildirýshilerge qarsy kózden jas shyǵaratyn gaz ben sý atqyshtardy qoldandy.

Eldiń Іshki ister mınıstrligi aktsııanyń kúsh kórsetýge ulasqanyn jetkizdi.

Grýzııa televızııasy kórsetken beınekórinisterde tobyr Rýstavelı dańǵylyn jaba bastaǵan, al polıtsııa sýatqyshtardy qoldanyp jatyr. Narazylyq bildirýshiler qoldaryna Grýzııa men Eýroodaqtyń týyn ustap tur.

Grýzııalyq aqparat quraldarynyń habarlaýynsha, parlamentke jaqyn kóshelerde arnaıy jasaq kózden jas aǵyzatyn gaz qoldandy.

Ázirge zardap shekkender týraly málimet joq.

Grýzııa Іshki ister mınıstrligi aktsııaǵa qatysýshylardyń parlamentke kiretin joldardyń birin jabýǵa tyrysqanyn habarlady. Sondaı-aq mınıstrlik qyzmetkerlerine qarsy kúsh qoldaný faktileri de boldy. Oppozıtsııa bolsa narazylyq bildirý sharasy beıbit túrde ótip jatqanyn aıtady.

Grýzııalyq BAQ-tyń habarlaýynsha, parlament dálizinde aıqaı-shý, janjal bolyp jatyr. Oppozıtsııalyq depýtattar tóraǵa Shalva Papýashvılımen kezdesýdi talap etip otyr.