Grýzııa alǵash ret Eýropa chempıonatyna joldama jeńip aldy

<p>ASTANA. KAZINFORM - Fýtboldan Grýzııa quramasy Eýropa chempıonaty fınaldyq satysyna joldama aldy. Grýzııalyq qurama Ulttar lıgasy S joly boıynsha pleı-off satysy fınalynda Grekııany penaltıden jeńip ketti.</p>

Endi grýzııalyq fýtbolshylar qurlyqtyq dodada Portýgalııa, Túrkııa jáne Chehııamen kezdesedi.
Kezdesý barysynda Grýzııa men Grekııa quramalary oıynnyń negizgi kezeńi men overtaımda bir-biriniń qaqpasynan sańylaý taba alǵan joq. Jeńimpaz penaltı serııasynda anyqtaldy. Bul joly grýzııalyq fýtbolshylar qarsylasyn 4:2 esebimen súrindirdi.

Osylaısha Grýzııa óz tarıhynda alǵash ret Eýropa chempıonaty fınaldyq satysyna joldama aldy.

Aıta ketsek, Grýzııa jartylaı fınalda Lıýksembýrgti 2:0 esebimee jeńse, Grekııa Qazaqstandy 5:0 esebimen tize búktirdi.

Endi Ulttar lıgasy pleı-off satysynda qurlyqtyq dodaǵa taǵy eki joldama ıegeri anyqtaldy.

Dál qazir Polsha men Ýels, Ýkraına men Islandııa quramalary oınap jatyr.

Sondaı-aq, Lıýksembýrg jáne Qazaqstan quramalary joldastyq kezdesý ótkizýde. Ázirge qazaqstandyq fýtbolshylar 1:0 esebimen basym túsýde.