ASTANA. KAZINFORM – Qazaqstandyq tennısshi Grıgorıı Lomakın juptyq synda Bengalýrý (Úndistan) ITF W25 týrnıriniń chempıony boldy.
Otandasymyz amerıkalyq sportshy Nık Cheppelmen birge barlyq kezdesýin sátti ótkizdi.
Olar aldymen jergilikti tennısshiler Dıpak Anantharamý — Prıtam Ganeshti jarys jolynan taıdyrdy — 6:3, 6:3.
Sodan keıin shırek fınalda jarystyń 2-raketkalary, úndistandyqtar Saı Kartık Reddı Ganta — Vıshný Vardhandy qapy qaldyrdy — 4:6, 6:4, 10:8.
Jartylaı fınalda jergilikti jup Arıan Shah — Karan Sınghti oısyrata jeńdi — 6:1, 6:0.
Grıgorıı Lomakın — Nık Cheppell sońǵy sheshýshi básekede úndistandyqtar Es De Pradjval Dev — Nıtın-Kýmar Sınhtan aılasyn asyrdy — 6:2, 7:6 (7:5). Match 1 saǵat 23 mınýtqa sozyldy.
Eske sala keteıik, budan buryn Dmıtrıı Popkonyń Meksıkada jarystyń 3-raketkasyn jeńip, jartylaı fınalǵa shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).