Grıgorıı Lomakın Tegerandaǵy týrnırdiń jartylaı fınalyna shyqty

ASTANA. QazAqparat – Qazaqstandyq tennısshi Grıgorıı Lomakın Egor Agafonovpen birge Irannyń Tegeran qalasynda ótip jatqan «Chellendjer» týrnıriniń juptyq synynda jartylaı fınalǵa shyqty, dep habarlaıdy QazAqparat tilshisi Sports.kz-ke silteme jasap.

¼ fınalda Lomakın men Agafonov reseılik dýet Aleksandr Chepık / Denıs Klokpen kezdesip, olardy eki sette 6:3, 7:6 esebimen jeńgen bolatyn. Jartylaı fınalda Grıgorıı Lomakın men Egor Agafonov túrik Djengız Aksý jáne Gekberk Sarıtas jubymen oınaıdy.

Qazaqstandyq pen reseılik tennısshi Tegerandaǵy týrnırdiń juptyq synynda reıtıngte birinshi orynda turǵanyn aıta keteıik. Olardyń bolashaq qarsylastaryna keler bolsaq, olar úshinshi raketka retinde tirkeldi. «Chellendjerdiń» júlde qory - 15 000 dollar.