Grenlandııada turyp qalǵan keme jolaýshylarynan koronavırýs tabyldy

Grenlandııada qaıyrǵa turyp qalǵan krýız kemesiniń bortyndaǵy úsh jolaýshydan koronavırýs ınfektsııasy anyqtaldy, dep habarlaıdy QazAqparat CNN-ge silteme jasap.

Bortynda 206 jolaýshy men ekıpaj músheleri bar Ocean Explorer kemesi osy aptanyń basynda Grenlandııanyń shalǵaı jerinde qalyp qoıdy jáne birneshe kún boıy sol jerde turyp qalýy múmkin.

Aurora Expeditions kemesi operatorynyń aıtýynsha, vırýs juqtyrǵan jolaýshylar qazir oqshaýlanǵan, al qalǵandarynyń jaǵdaıy jaqsy jáne olardyń densaýlyǵyna esh qaýip tónip turǵan joq.

Oqıǵadan keıin jaqyn mańdaǵy «Knýd Rasmýssen» dep atalatyn tekserý kemesi kómekke jiberildi, biraq oǵan jetý úshin shamamen 2 222 shaqyrym jol júrýge týra keledi.

Keme Ocean Explorer-ge juma kúni keshke jetýi tıis.

Sársenbi kúni joǵary tolqyn kezinde Grenlandııa úkimetine tıesili balyq aýlaıtyn «Taradjok» zertteý kemesi krýız laınerin shyǵaryp alýǵa áreket etip kórgenimen, ornynan qozǵalta almady.

Aurora Expeditions resmı saıtynyń habarlaýynsha, keme «álemniń eń shalǵaı jerlerine ekspedıtsııalyq saıahat jasaý úshin arnaıy jasalǵan».