Grekııada teńiz túbinen 23 tonnadan astam qoqys shyǵaryldy
08:51, 08 Maýsym 2022
NUR-SULTAN. QazAqparat - Teńiz túbin tazartý 8 maýsymda atap ótiletin Dúnıejúzilik muhıttar kúnimen tuspa-tus keldi, dep habarlaıdy QazAqparat BBC News-qa silteme jasap.
Súńgýirler Ion teńizindegi Itaka aralynyń tóńiregindegi teńiz túbinen 23 tonnadan astam qoqys shyǵardy. Onyń ishinde jıyrmaǵa jýyq úlken eles aý bolǵan.
Dúnıejúziniń teńiz túbin tazartýmen aınalysatyn Healthy Seas uıymynyń málimetinshe, jyl saıyn shamamen 640 000 tonna balyq aýlaý quraldary joǵalyp, teńizder men muhıttarǵa laqtyrylady. Bul teńiz ómirine orny tolmas zııan keltirip, sýda keıinnen qorektik tizbekke aınalatyn mıkroplastıkterdi qaldyrady.