Grekııada parlament saılaýynda konservatorlar partııasy jeńiske jetti

ASTANA. QazAqparat - Kırıakos Mıtsotakıstiń «Jańa demokratııa» ońshyl lıberaldy partııasy 40,5% daýys jınap, basty qarsylasy - «Sırıza» solshyldar partııasynan 23 pýnktke ozyp ketti, dep habarlaıdy QazAqparat VVS aqparat agenttigine silteme jasap.

Jańadan qurylǵan ońshyl «spartandyqtar» partııasynyń joly bolyp, parlamentke ótý úshin úsh paıyzdyq kedergini eńsere aldy.

Osylaısha, «Jańa demokratııa» parlamentte ekinshi tórt jyldyq merzimge úkimet qurý úshin jetkilikti oryn alady.

Onyń paıdasyna jańa saılaý týraly zań jumys istedi. Bul zańǵa sáıkes, jeńimpaz partııa daýys berý nátıjelerine baılanysty qosymsha oryn alady.

Eń kóp daýys jınaǵan kez-kelgen partııa birden 20 qosymsha oryn alady, al eger ol 40% nátıje kórsetse, bonýstyq oryndar sany 50-ge deıin ósedi.

Mamyr aıynyń sońynda proportsıonaldy ókildik júıesi boıynsha ótken aldyńǵy saılaýda Mıtsotakıske onyń partııasy jalpy 41% jınaǵanyna qaramastan, bes oryn jetpedi.

55 jastaǵy Kırıakos Mıtsotakıs - Garvard ýnıversıtetiniń túlegi. Burynǵy qarjyger grek saılaýshylary arasynda tanymal tulǵa.

Ol pandemııadan keıin ekonomıkanyń jyldam qalpyna kelýin qamtamasyz etip, 2021 jyly ósimdi 8,3% jáne ótken jyly - 5,9%-ǵa arttyrdy.

Buǵan deıin Grekııada qaıtadan parlament saılaýy ótip jatqanyn habarlaǵan bolatynbyz.