Grekııada 80 jastaǵy er adam mektep oqýshysy atandy

<p>ASTANA. KAZINFORM &mdash; Grekııalyq zeınetker Vasıllıs Panaıotaropýlos oqýyn aıaqtaý úshin keshki mektepke bardy. Bul týraly <a href="https://www.theguardian.com/world/2024/nov/25/best-in-the-class-greek-man-in-his-80s-starts-night-school-after-life-of-toil" target="_blank" rel="noopener">The Guardian</a> basylymy habarlady.</p>

Er adam 12 jasynda ákesine egistikte jumys isteýge kómektesý úshin mektepti tastap ketken. Keıinirek Afınaǵa kóship, onda aspazshy bolyp jumys istegen jáne jeke tavernaǵa ıelik etken.

Aıtýynsha, mektepti, oqýdy qatty saǵynǵan, jyldar boıy «mektepke bir kúni qaıtyp oralsam» degen oıda júrgen. Sodan soń Vasıllıs áıeline oqýyn qaıta jalǵastyrýǵa nıetti ekenin aıtqan.

Onymen birge synypta 15 jasar balalar bar.

Ustazdardyń aıtýynsha, er adam synyptastaryna jaqsy áser etýde, sonymen qatar ol óte eńbekqor oqýshy. Onyń súıikti sabaqtary — ejelgi grek tili jáne matematıka. Maýsym aıynda Vasıllıs mekteptiń tolyqqandy túlegi bolady.

Osy oqıǵadan shabyttanǵan Grekııa úkimeti keshki mektepterdi qoldaýǵa nazar aýdaratynyn aıtty.

Eske salsaq, buǵan deıin Gaıtıde bir jylda qarýly toptar qataryna tartylǵan balalardyń sany 70 paıyzǵa óskeni málim boldy.