Túrkııanyń Kaıserı provıntsııasynda jergilikti turǵyndar men sırııalyqtar arasynda janjal týdy

<p>ASTANA. KAZINFORM &ndash; Túrkııanyń Kaıserı provıntsııasynyń Melıkzade aýdany Danyshmentgazı aýylynda jergilikti azamattar men sırııalyq bosqyndardyń qatysýymen jappaı tártipsizdikter oryn aldy.</p>

Kóshedegi tártipsizdikke Túrkııada bosqyn retinde turatyn sırııalyqtyń bes jasar sırııalyq qyz balany jábirleý maqsatynda qýdalaýy sebep bolǵan. Oqıǵa Sırııadan qonys aýdarǵandar tyǵyz turatyn aımaqta bolǵan.

Olardyń narazylyǵynyń belgisi retinde jergilikti halyq sırııalyqtardy basqa shalǵaı aýdandarǵa májbúrlep kóshirýdi nasıhattaı bastady. Narazy top úıleri, dúkender, jolda kezdesken kólikterdi qıratyp, órtep jiberdi.

Jappaı tártipsizdiktermen polıtsııa qyzmetkerleri men arnaıy jasaq kúresti. Oqıǵa kezinde 10 shaqty polıtseı jaraqat aldy. Jergilikti turǵyndar arasynda da zardap shekkender bar.

Oqıǵaǵa kináli adam ustaldy, al bala men onyń otbasy polıtsııanyń qatań qorǵaýyna alyndy.

Foto: Anadolu Ajansı