Grekııada 6 kúndik jumys aptasy kúshine endi

<p>ASTANA. KAZINFORM &ndash; Dúısenbiden, ıaǵnı 1 shildeden bastap grek kásiporyndary qyzmetkerleri úshin alty kúndik jumys aptasyn engizýge múmkindik aldy. Bul týraly <a href="https://ru.euronews.com/2024/07/01/greece-6-days-working-week" target="_blank" rel="noopener">Euronews</a> jazdy.&nbsp;</p>

Bul quqyq táýligine 24 saǵat, aptasyna 7 kún qyzmet kórsetetin nemese ózderin «erekshe jumys júktemesi» aldynda tur dep sanaıtyn fırmalarǵa qatysty. Osylaısha, grekter úshin qazirgi 40 saǵattyq jumys aptasy 48 saǵatqa aınalýy múmkin.

Bul sheshim kópshilik arasynda narazylyq týdyrdy. Kóptegen adam bul jumysshylar quqyqtarynyń shekteýli ýaqytyna qaıta oralý dep aıtyp otyr.

Jumysshylar altynshy jumys kúni úshin 40% nemese jeksenbi kúni jumys isteýge týra kelse, 115% ústemeaqy alady. Degenmen, kópshilik, ásirese jastar densaýlyq pen jeke ómirdi birinshi orynǵa qoıyp otyr. 

«Dúnıejúzilik densaýlyq saqtaý uıymy bizge aptasyna 40 saǵat jumys tym kóp ekenin aıtady. Biz Eýropanyń basqa elderinde júktemeniń qalaı azaıyp jatqanyn kórip otyrmyz. Men alty kúndik jumys rejımin qabyldamaımyn jáne onyń oryndalýyna jol bermeýimiz kerek. Eger men alty kúndik jumys meni sharshatatynyn kórsem, bas tartamyn. Men úshin aqsha emes, densaýlyq birinshi orynda», - deıdi grek turǵyn. 

2023 jylǵa arnalǵan Eýrostat derekteri Grekııadaǵy ortasha jumys aptasy 39,8 saǵatty quraıtynyn kórsetip otyr. Bul – Eýropalyq Odaqtaǵy Polsha men Kıprden keıingi eń joǵary kórsetkish. Eýropalyq ortasha kórsetkish 36,1 saǵatty quraıdy, al Nıderland turǵyndary eń az jumys isteıdi – aptasyna 32,2 saǵat.