Grekııa-Qazaqstan fýtbol matchyna nıderlandylyq tóreshiler qazylyq jasaıdy

<p>ASTANA. KAZINFORM - Fýtboldan Ulttar lıgasy pleı-off satysyndaǵy Qazaqstan jáne Grekııa kezdesýinde Nıderland elinen Dannı Makkelı bastaǵan tóreshiler brıgadasy qyzmet atqarady.&nbsp;</p>

2024 jylǵy Eýropa chempıonatynyń joldamasy úshin eki qurama 21 naýryzda baq synaıdy.
Oıyn 21 naýryzdan 22-ne qaraǵan túni saǵat 00:35-te Qazaqstan jáne Qazsport telearnalarynan tikeleı efırde kórsetiledi.

Bas tóreshi - nıderlandtyq Dannı Makkelı. Oǵan otandastary Hessel Steegstra men ıAn de Vrıs kómekshilik jasaıdy. Qosaly tóreshi de - sol eldiń ókili Allard Lındhaýt.

Atalǵan oıynǵa qazaqstandyq fýtbolshylar Birikken Arab ámirliginiń Dýbaı qalasynda daıyndaldy.

Oqý-jattyǵý jıyny aıasynda qazaqstandyq fýtbolshylar Túrikmenstanmen ótken joldastyq kezdesýde qarsylasyn 2:0 esebimen tize búktirdi.

Bul juptyń jeńimpazy 26 naýryzda taǵy da syrt alańda Grýzııa-Lıýksembýrg jubynyń jeńimpazymen sheberlik baıqasady.

Jeńimpaz qurama 2024 jylǵy Eýropa chempıonaty fınaldyq satysyna joldama alady.
Qazaqstandyq fýtbolshylar qurlyqtyq dodanyń irikteý satysynda H tobynda synǵa túsip, úshinshi orynǵa turaqtady.