Grek-rım kúresinen Azııa chempıonatynda qazaqstandyq qos balýan qola aldy

ASTANA. QazAqparat - Astana qalasynda ótip jatqan grek-rım kúresinen eresekter arasynda Azııa chempıonatynda qazaqstandyq eki balýan qola júlde aldy, dep habarlaıdy QazAqparat tilshisi.

Qurlyqtyq dodada Amanǵalı Bekbolatov (55 keli) qytaılyq Haıfeng Jangti 9:0 esebimen jeńdi. Osylaısha úshinshi orynǵa ıe boldy.

Al Muhamedali Mamyrbek (63 keli) japonııalyq Cheızo Marýıamadan 9:0 esebimen basym tústi. Nátıjesinde qurlyqtyq dodada qola júlde aldy.

Endi el quramasynan Nursultan Tursynov (87 keli) altyn medalǵa talassa, Demeý Jadyraev (77 keli) jáne Álimhan Syzdyqov (130 keli) qola júlde úshin beldesedi.

Grek-rım kúresinen 10 sáýirde qalǵan salmaqtarda júldeler sarapqa salynady.

Al 11-12 sáýir áıelder kúresinen saıystar ótkiziledi.

Sáýirdiń 13 men 14 aralyǵynda erkin kúrespen jarys óz máresine jetpek.

Eske salsaq, búgin Astana qalasynda grek-rım, erkin jáne áıelder kúresinen eresekter arasynda Azııa chempıonaty bastaldy.