Grek-rım kúresinen Azııa birinshiliginde taǵy 3 qazaqstandyq fınalǵa shyqty

NUR-SULTAN. QazAqparat - Mońǵolııa astanasy Ulan-Batorda ótip jatqan Azııa chempıonatynyń ekinshi jarys kúninde grek-rım kúresinen úsh qazaqstandyq balýan fınalǵa shyqty, dep habarlaıdy QazAqparat tilshisi.

Búgin qurlyqtyq dodanyń ekinshi saıys kúni bastaldy. Jarys kestesine sáıkes 60, 67, 72, 82 jáne 97 kelidegi sportshylar bozkilemge shyqty. Olardyń arasynan qarsylastaryn qapy qaldyrǵan Meıirjan Shermahambet (67 keli), Abylaıhan Ámzeev (72 keli) jáne Dıas Qalen (82 keli) fınalǵa joldama aldy.

Al jubanysh beldesýinde Ernur Fıdahmetov (60 keli) pen Sanjar Serikhan (97 keli) qola júldege talasady.

Fınaldyq saıystar elorda ýaqytymen 16:00-de bastalady.

Qazaqstandyq balýandardyń fınaldaǵy qarsylastary tómendegishe:

Meıirjan Shermahanbet - Hansý Rıý (Ońtústik Koreıa)

Abylaıhan Ámzeev - Mohammad Raza Moktarı (Iran)

Dıas Kalen - Rasýl Sadeh (Iran)

Sondaı-aq jubanysh beldesýinde qazaqstandyq Ernur Fıdahmetov mońǵolııalyq Baljınnıam Tsevenravdanmen, Sanjar Serikhan japonııalyq Takahıro Sýrýdamen sheberlik baıqasady.

Eske salsaq, 19 sáýirde qazaqstandyq balýandar bir altyn, úsh kúmis, bir qola aldy.